各位街坊，
依几日系未觉得早、晚有阵阵凉意？
风高气爽嘅秋天慢慢潜入广州喇~
不过，秋风起，一定要食腊味？
圈妹今次决定嚟个新“煮”意，
双手奉上十款滋润靓汤！
皮肤水润唔干燥，放心同秋天玩游戏~
▼
▼
▼
莲藕排骨汤
↓↓↓
材料：
莲藕、排骨、蜜枣、眉豆
步骤：
1.莲藕洗净去皮，切成大藕块
2.泡发眉豆同时，将排骨洗净焯水，备用
3.将所有材料放入汤煲之中，大火煲滚转小火慢煮
4.汤水煲一个半钟就可以，最后10-15分钟放入蜜枣；关火，放食盐调味即可
↓↓↓
依款汤水系咪好简单啊？一碗清甜可口嘅莲藕排骨汤就出炉喇~滋润又好味，值得一试~
茯苓冬瓜鲤鱼汤
↓↓↓
材料：
茯苓（云苓）、红枣、冬瓜、鲤鱼、姜片
步骤：
1.茯苓稍浸泡，红枣去核；冬瓜洗净去皮切块
2.鲤鱼去内脏、洗净，煎至微黄
3.将红枣、茯苓冷水落煲，大火滚开；然后放入冬瓜同鲤鱼、姜片，改用文火煲40分钟就OK~
↓↓↓
圈妹诚意奉上：煲鱼汤嘅小技巧~第一、广州人煲鱼汤最中意就系煲出乳白色。所以，一定要先煎鱼；甚至有人话，留住鱼鳞煲汤，汤水更为白滑。第二、以防鱼刺卡喉，所以最好用纱布包住，整成鲤鱼包，可以隔绝D细刺落入汤水之中~
无花果杏仁瘦肉汤
↓↓↓
材料：
无花果（干）、南，北杏、瘦肉
步骤：
1.将瘦肉洗净，切成肉块
2.先将南北杏冷水落煲，大火煮滚，放入无花果同瘦肉，大火煲10-15分钟，再转文火煲40分钟左右就得
（ps：如果你有时间，仲可以将食材放入炖盅进行清炖）
↓↓↓
材料简单，但系味道非凡。无花果嘅清甜，南北杏嘅独特芳香，瘦肉嘅鲜味都喺汤水之中融为一体~味道清甜爽口，非常清润哟。
海底椰鲜鸡汤
↓↓↓
材料：
鸡、海底椰、蜜枣、姜片
步骤：
1.海底椰洗净备用
2.将鲜鸡洗净，切成大件嘅鸡块；将鸡块焯水去油
3.所有材料放入汤煲之中，大火煲滚转小火慢煮
4.汤水煲两个钟左右，最后10-15分钟放入蜜枣。关火，放食盐调味即可
↓↓↓
汤水清，味又鲜。口感清爽唔油腻，汤香，味浓~包保一碗落肚意犹未尽！饮到皮肤靓靓无问题~
绿豆乳鸽汤
↓↓↓
材料：
乳鸽、绿豆、陈皮
步骤：
1.陈皮同绿豆洗净，浸泡备用
2.乳鸽洗净，切去屁股嘅肥膏，将其切成4大块（同茶楼食嘅红烧乳鸽上台咁样切成4件）
3.将所有材料一齐冷水落煲，大火煮滚，然后改用文火煲1.5小时就得~
4.由于绿豆同乳鸽本身带有咸味，所以落盐调味记得试味先
↓↓↓
有无搞错，绿豆唔系夏天食用？非也，依家广州处于秋老虎阶段，暑热暂未散尽，再加上秋天嘅干燥~所以嚟碗绿豆乳鸽汤就最适宜。清热又滋阴，正到无得弹~
木瓜鲫鱼汤
↓↓↓
材料：
鲫鱼、木瓜、胡椒粉、姜片
步骤：
1.鲫鱼去鳞，洗净；煎至微黄
2.木瓜去皮同籽，切块洗净备用
3.将所有材料一齐冷水落煲，大火煮滚，然后改用文火慢煲30分钟左右~
4.最后加入胡椒粉和食盐调味
↓↓↓
木瓜煲鲫鱼系广东人嘅家常汤普必备汤水。气味清甜、香润，好适合一家大细饮用。
银耳雪梨瘦肉汤
↓↓↓
材料：
银耳、雪梨、瘦肉、姜片
步骤：
1.银耳洗净，泡发后切成银耳块备用
2.雪梨洗净，去皮，切成块或丁备用
3.将瘦肉洗净，切成肉块
4.将所有材料一齐冷水落煲，大火煮滚，然后改用文火慢煲30分钟左右~
5.最后加入胡椒粉和食盐调味
↓↓↓
简单快捷嘅雪梨汤就好适合上班一族。清甜滋润，汤感浓稠厚滑，滋味妙不可言！
沙参玉竹老鸭汤
↓↓↓
材料：
沙参、玉竹、老鸭、姜片
步骤：
1.沙参同玉竹洗净，备用
2.老鸭洗净、斩件
3.将所有材料一齐冷水落煲，大火煮滚，然后改用文火慢煲2个钟左右~
4.最后加入食盐调味
↓↓↓
圈妹诚意奉上：煲汤小技巧~第一、想要汤水清，一定要撇去汤上嘅鸭油同浮沫；第二、选用新鲜嘅鸭肉。如果发现鸭冀下出现红点或者黑点，咁好可能系注水鸭，记得要小心。
菜干猪肺汤
↓↓↓
材料：
菜干、猪肺、无花果、蜜枣、黄豆
步骤：
1.菜干同黄豆洗净，泡发备用
2.猪肺洗净，切成块；进行焯水，反复两次，将猪肺中残余物煮出嚟
3.将所有材料一齐冷水落煲，大火煮滚，然后改用文火慢煲2个钟左右~
4.最后加入食盐调味
↓↓↓
自古以嚟，都有以形补形嘅讲法~秋天气候干燥，饮啖猪肺汤，清润养肺，最好不过~
西洋菜陈肾汤
↓↓↓
材料：
西洋菜、陈肾、蜜枣、无花果、瘦肉、陈皮
步骤：
1.将西洋菜彻底清洗干净
2.瘦肉洗净，切成肉块备用
3.用温水将陈肾彻底浸软，去除多余盐份
4.将西洋菜同蜜枣以外的材料一齐冷水落煲，大火煮滚后放入西洋菜，然后改用文火慢煲2个钟左右~
5.最后20分钟放入蜜枣。关火，放食盐调味即可
↓↓↓
此汤水咸香可口，回甘无穷。清热润燥，最好不过~
（图片来源：网络）
咁多位美食达人，
对于圈妹今次嘅推介满唔满意？
快D学起，煲翻啖靓汤滋润下啦~
如有任何补充，
欢迎喺下方留言~
▼▼▼未睇够？精彩陆续有嚟！▼▼▼
係广州饮佐几十年嘅茶，依家居然同我讲“茶位费”根本唔合法可以唔洗俾？！
这里耗资1.8亿，可近距离接近闪电，龙卷风...广州街坊又多个玩乐地了
20万+月销量！73岁婆婆一夜火爆盆友圈！只因她做了这些小零食...
▼▼▼仲有哩D最好吃好玩嘅内容▼▼▼
回复“小吃”：最全广州地道小吃合集！你吃过晒未吖？
回复“海岛”：夏天到啦~睇睇去边度叹世界！
回复“高铁”：出游方便又快捷，随时说走就走
回复“人气餐厅”：点解咁多人都话正？吃过就知啦
（更多资讯专治白癜风最好的医院白癜风效果
本文编辑：佚名
转载请注明出地址 http://www.xingxingpeng.com/whggx/8888.html
